پەیجێ ئین پێزانین
پەیجەكێ پێش چاڤە هەر ژ دروستكرنا وێ ، میژوویا دروستكرنا پەیجی لــ (2021/1/12) هاتییە چێكرن
ژلایێ ٣ كەسان تا نوكە د بەردەوامین ژ بوو خزمەتكرنێ پەیجێ مە پێكدهێت ژ هەمی جورێن پێزانینان ژ جهێن باوەریپێكری ب وێنە ...
و ل ستووری دا پتریا جاران ستوریێن پسیار و بەرسڤ بەلاڤ دكەین ب شێوەیەكێ بەرچاڤ و بێ رەخنە بینەر بەرسڤ ددەن و ب برگەیەكا باش هاتییە بكارئینان د ناڤ پەیجێ مە دا
ل دەمێن بهێت دا بەرەف پشتەڤانێن زێدەتر !

من ٣٥ پسیار بو هەوە بەرهەڤ كرینە هین دشێن ل ڤێرێ بەرسڤ بدەن و ئەنجامی بومە فرێكەن ، مەرەم ژێ ئەوە ئاستێ خو بزانی بو پێزانینان ، پسیار ژ هەمی جورانە ... داخازا سەركەفتنێ

سرۆشتێ مرۆڤان یێ وەسایە، کۆ حەز ژ شکەستنان ناکەن و هەردەم ڤیان و حەز هەیە بەرەڤ کەنارێن سەرکەفتنێ بچن و ببنە ژ کەسێن سەرکەفتی و خودان پێگەهەکێ بهێز دناڤ جڤاکێ خودا، لەورا هەولددەن دگەل سەرکەفتنێ ببنە هەڤال. گۆمان تێدا نینە کۆ مە هەمیان دڤێت کلیلا سەرکەفتنێ هەمبێز و ماچی بکەین و ب وێ کلیلێ دەرگەهێن سەرکەفتنان ڤەبکەین و بچینە دناڤ گولدانکا سەرفەرازی و سەرکەفتنێ دا، لێ دێ چاوا بینە کەسێن سەرکەفتی؟.
ئەڤە پسیارەکە دڤێت ئەم ژ خۆ بکەین، ئەرێ سەرکەفتن چیە؟ ما سەرکەفتن ئەوە کۆ دڤێت د هەمی تشتان دا بسەرکەڤین؟ یان ئەوە دڤێت ئەم د چو تشتان دا نە کەڤین؟ یان سەرکەفتن ئەوە ئەم دەستان داهێلین و ل هیڤیا سەرکەفتنێ بین؟ یان ژی ئەڤەیە دڤێت ئەم شکەستنان دا بێ هیڤی نەبین و بەرەڤ پێسترکا سەرکەفتنێ ب سەرکەڤین؟.
بێگۆمان سەرکەفتن ئەوە کۆ تو سەربوور و مفایان ژ شکەستنێن خۆ وەرگری و دناڤ قادا خەباتێ دا نەرەڤی و پێنگاڤێن ژ دل بەر ب گۆپیتکێن سەرکەفتنێ پاڤێژی، دا بیە ژ کەسێن سەرکەفتی و خورت و ژبەر باهۆزێن دژوار سست و لاواز و نەکەڤی.
لەورا خواندەڤانێ گران بها، هەکە ئەم تەماشەی پەیڤا سەرکەفتن بخۆ ژی بکەین دێ بومە یا دیاربیت کۆ د سەرکەفتنێ دا بنکەفتن ژی یا هەی هەروەکی کا چەوا د بازرگانیێ دا مفا و خسارەتی هەیە، لەورا هەتا کۆ تو سەربکەفی ئاریشە نینە کۆ هندەک جاران بکەڤی، لێ دڤێت د شکەستن و کەڤتنێ دا بی هیڤی نەبی و دەستان نە داهێلی و بەر سینگێ ئاستەنگان بگری و هەڤرکیا وان بکەی، تا کۆ ئاستەنگ و شکەستنێ د شکێنی و سەردا زاڵ دبی.
ناپلیونی ژی ل دوور سەرکەفتنێ د گۆتنەکا خودا گوتی یە: (من ب بنکەفتنێ سەرکەفتن زانی)، ل ڤێرێ بۆ مە دیار دبیت کۆ هەر بنکەفتنەک دووماهیک و رامانا وێ چەندێ نینە کۆ تو ب سەرناکەڤی، بەلکۆ شکەستن تاقیکرنەکە بۆ سەرکەفتنێ بیتن گەلەک جاران ژی د رێکا سەرکەفتنێ دا ستری و کەڤرێن مەزن هەبن، لێ کەسێن سەرکەفتی ئەون یێ وان ستری و کەڤران بخۆ نەکەتە ئاستەنگ و وان بدەت رەخەکێ و رێکا خۆ خۆش بکەت بۆ سەرکەفتن و بەختەوەریێ و یێ بەردەم بیت سەر کاروانێ خۆ هەتا دگەهیتە ئەوێ ئارمانجێ یا وی بخۆ دانای، لەورا هەردەم خودان ئیرادەبه و یێ ب هێزبە هەڤرکیا شکەستنێن خۆبکە هەتا ل سەر شکەستنێن خۆ زاڵ دبی و ببیە ژ کەسێن سەرکەفتی و دناڤ گولستانا بەختەوەریێ دا بژی و بگرنژی.
کەسێن سەرکەفتی ئەڤ سیفاتێن جوان ل دەڤ کومڤە دبن (رەخنە و پێشنیارێن کەسێ بەرامبەر قەبول دکەت و بخۆ مفایی ژێوەردگرت، بێ هیڤیبوون دناڤ فەرهنگا وی یا ژیانێ دا نینە، ئەو دزانیت کۆ ژیان یا بێ بەهر نینە ژ ئاریشان، بۆ هەر ئاریشەکێ چارەسەریەکێ دبینیت، ئەو د زانیت کۆ ترس و دوودلی دێ بیتە ئەگەرێ راوەستیانێ، ژ سیفەتێن دی یێن کەسێن سەرکەفتی ئەوە حەژ لێبورینێ دکەت و ل خەلکی د بوریت ، .... هتد). لەورا ژ بۆ دا بیە ژ کەسێن سەرکەفتی هەولدە ڤان سالوخەتێن جوان و ژێهاتی ل دەڤ خۆ پەیدابکە.

تۆرا کۆمەڵایەتی (تیک تۆک)، ژلایێ کۆمپانیا (بایت دانسی) یا چینی ل ھەیڤا نەھ سالا ( ٢٠١٦) كەتیە كارێ، دامەزرێنەرێ وێ کەسەكێ چینیە ب ناڤێ (زەنگ یمینگ)، د نوکەدا (٥٠٠) ملیۆن بەکارهێنەر ل ھەمی جیهانێ ھەنە و د نوکەدا زوربەیا خەلکێ کوردستان پێڤە ھاتینە گرێدان. کارەسات ئەوە نەبتێن زارۆک و تازەپێگەھشتی بوینە قوربانی ڤێ تورا کومەلایەتی، بەلکو روژانە زەلام و ژن ژڕ دبنە قوربانی و د بکارئینانا تورێن کومەلایەتیدا بگشتی، ئەم كومەلگەھەكێ نە رەوشەنبیرین.

یا روون و ئاشکرایە (تیك توكی)هیچ سانسۆرەکێ ڕەوشتی و ئەخلاقی ل سەر نینە، ئەڤ چەندە راستەوخو کارتێکرنی ل سەر وان کەسان دکەت یێن ب کاردئینن، چونکی پالەوانێن ڤێ تورا کومەلایەتی، ئەوە یێ پتر ھەمیان لایک و بینەرا پەیدا دکەت! ئەڤجا ب ھەر رێکەک و ب ھەر رەفتارەکێ بیت (لاسایکرن، خوریسکرن، راوەستیان دژی خوێندن و پەروەردە و بھایین بلند، یاخیبون ژ کومەل گەھی.....)

ھەر ژ دەسپێکا بەلاڤبونا وێ، گەلەك رەوشەنبیرا و پسپورێن پەروەردە و جڤاکی ب دەنگەکێ بلند د کرنە ھەوار و دگوتن: ھشیاری ب کارئینانێ بن، ھشیاری زاروکێن خو بن و دگوتن ژ دلوپا بارانێ لەھی رادبن؟ لێ ئەم چاڤ تاری ماین و روژ ب روژ بەکارھێنەرێن وێ زێدەتر لێ ھاتن و قوربانیێن وێ زورتر لێ ھاتن.

نوکە دەمێ ھندێ یە ئەم ئەنجامێن ڤێ تورا کومەلایەتی ل سەر ئاستێ پەروەردێ ببینین!! و پێداجونەکی د رێژا دەرچوویا دا بکەین، دێ باش بومە روھن بیت، کو سال بۆ سالێ ئاستێ قوتابیان لاوازترە. ھەرچەندە ئەڤ سال ژ بەر ڤایروسێ کورونایێ وەك پێدڤی قوتابخانە نەھاتنە ڤەکرن، لێ ئەڤە نابیتە بھانە بۆ ھندێ بێژین کارتێکرنا وێ یە، جونکی زوربەیا بابەتی قوتابخانێ ھاتینە کێمکرن، کارەسات ئەوە ل قوتابخانەکێ دا رێژا دەرچویان و کەفتیان وەك ئێك لێ ھاتیە!! ب وێ واتایێ کو ٥٠٪‏ ژ قوتابیان کەفتی ماینە!! ب راستی ئەڤە زەنگەکا مەترسیە.

ب لێبورین ڤە دایک و باب زور د بێ ئاگەھن ژ زاروکێن خوو، ژ ب کارئینانا موبائیلێ ئایپاد تنێ ھزراوان پەیداکرنا ڤان ئامیرا بو زاروکێن خو دکەن، بێ کو چاڤدیریەکا بەردەوام ل سەر ھەبیت.

ئەڤرو ب تنێ ڕۆشنبیری بەس نینە بۆ مرۆڤی و بشێت جوان و پاک بمینیت. دڤێت بڕیار و ئیرادەی دگەل ھەبیت، ئەگەر ئەم ھشیار نەبین نەیا ب ساناھیە ئەم د شەرێ مرۆڤان دناڤبەرا ئەخلاق و سەرمایەداریدا سەربکەڤین، چونکی بازرگان و بەرژەوەندخواز بەرناما ددانن ژ بو وێ چەندێ، خەلکی ئاراستە بکەن بۆ سود و قازانجی ژ بو سەرمایێ خوو.
سەرمایەدارا پێتفی ب بەزاندنا سنورێن کومەلایەتێ و رەوشتی و یاسایی یە ژ بۆ وێ چەندێ، بەرھەمێن خو و چەند تشتێن دی دناڤ کومەلگەھیدا ساخ بکەن، بەرامبەر کومەلگەھ دبیتە قوربانی!!

لڤێ دویماهیێ دبینین گەلەک ژ کچ و کورێن گەنج، دەست بکارێ نڤیسینێ کریە. نڤیسین نەوەکی چ کارێن دی یە کو مرۆف بۆ زەوقێ خو یان ژ بەتالیێ یان ژ چاڤلێکرنێ یان ژ بەر هەر ئەگەرەکێ دی بکەت. ئەز بێژم نڤیسین هەستە، ئەگەر ئەوا مروڤ د نڤیسیت هەست پێنەکەت و ژ دل و ناخ و مێشکێ مرۆڤی دەرنەکەڤیت و مرۆڤی (ئیلهام)ا پەیڤێ نەبیت، نەشێت داهێنانێ د نڤیسینێدا بکەت و ببیتە نڤیسەرەکێ/ا تەمام.

لڤێرێ یا من دڤێت بێژم، هندەک پەیڤێن نڤیسەرێ جیهانی (چارلز بوکوفسکی) دەربارەی نڤێسینێ و نڤیسەرا گەلەک د سەرنج راکێشن، وەك:
ئەرێ تە دڤێت ببیە نڤیسەر و کارێ نڤیسینێ بکەی؟
ئەگەر سەرەرای هەمی تشتا، ئەوا تو دنڤیسی وەکی تەقینەکێ یان بومبەکێ ژتە نەدەرکەڤیت. وی کاری نەکە ئانکو نەنڤیسە!
ئەگەر بێی پرسیارا دل و مێشک و دەڤ و ناخێ تە دەرکەڤیت. وی کاری نەکە!
ئەگەر پێتڤی کر چەندین دەمژمێرا ل بەرامبەری کومپیوتەری برینیە خار یان لسەر ئامیرێ چاپکرنێ خو بچەمینی ژ بو لێگەریانا پەیڤا. نە نڤیسە!
ئەگەر ژبەر مال و سامان و ناڤودەنگیێ بنڤیسی، ڤی کاری نەکە!
ئەگەر تە ژبەر ژنان بیت، نەنڤیسە!
ئەگەر بتنێ هزر ژی دهندێ دابکەی، کو نڤیسین یابزحمەتە، نەنڤیسە!
ئەگەر پێتڤی بوو چاڤەرێی هەوارەکێ بوی ب ئارامی چاڤەرێ بە، ئەگەر ئەو هەوار نەهات، ڤی کاری نەکە!
ئەگەر بۆ ئێکەم جار نڤیسیناخو بۆ کەسەکی بخینی، تو نەیێ ئامادەی!
وەکی گەلەک ژ نڤیسەران نەبە، ئەو هزارەها خەلکێن ناڤێ نڤیسەرا دانایە سەرخوو، بێزارکەر و ماندیکەر و خوپەرست نەبە!
کتێبخانێت جیهانێ باووشکا خەوێ ددەن، ژبەر گەلەکێن وەکی تە تو ژی ژمارا وان زێدەنەکە.